فارسي قيريلداتما ديلين وارسنين

سن اگر بولبولسن گولون وارسنين

قهرمان خلقيميز گؤزتيكيب سنه

فرهنگي تالانميش ائلين وارسنين

سن گؤزه‌ل سوناسان هر سويا دوشمه

اوزمگه دوم دورو گؤلون وارسنين

اگر بولود اولسان ياغ قوراخليقا

سوياحسرت قالميش چؤلون وارسنين

«ياغ اولوب يانديرما يادلار چيراغين

قارانليق آيلارين، ايلين وارسنين»

دئميرم فارسيجا يازابيلميرسن

چوخ گؤزه‌ل يازيرسان الين وارسنين

آممانئجه دئييم فارسي‌دان گؤزه‌ل

قيلينج كيمي كسگين ديلين وارسنين

«سعدي»ني «حافظ»ي چوخدا ازديرمه

«معجز» ون و ورغونون لعلي‌ن وارسنين

آرخالان بابكه رستم نه چي‌دير؟

دانالار باسماقا كلين وارسنين

نسيمي،خطايي واقف، فضولي

دده قورقود» كيمي اولون وار سنين»

«اؤزه‌يئر» هابيلين سازين كامانين

بولبول چهچهه‌لي تئلين وارسنين

ايزين داش دؤورونه گئديب يئتيشيب

سومئرلره باغلي تئلين وارسنين

سولور اؤز باغين‌دا گوللر، چيچك‌لر

وئرمه تيكان لارا گولون وارسنين

آي عاشيق چال اوخو آنا ديلين‌ده

سازين‌دا خوش بمين زيلين وارسنين

توركو نغمه ايستير يانيق كونلوموز

سدي ييخ قوي گه‌له سئلين وارسنين

پاشالار باغيندا بوقوللوق نه‌‌دير؟

اونودمابير «چنلي بئلين» وارسنين

شاعيرلر جوشدوران سولو،صفالي

آرازين، موغانين ميلين‌وار سنين

وورولما يادلارين گؤزللرينه

ائلين ده چوخ اينجه بئلين وارسنين

سن يوگور ميدانا«كور اوغلو» كيمي

مين لرله‌هاي باسان ده‌لين وارسنين

«دورنا» سان قاققيلداسس وئرسسيمه

قاطاردان آيريلما يولون وارسنين

اَلين وئر اليمه داغلار آشيراق

بيليرم قدرتلي قولون وارسنين

«شامي» يم يالقيزام يوخدور كومگيم

گه‌ل اكك بو باغي بئلين وارسنين

دايانما شعريمين تئز وئر جوابين

اگر بوميداندا فعلين وارسنين

هاراي، هاراي ائللر تورك اوغلو توركـم

هاراي، هاراي ائللر تورك اوغلو توركـم،

پـامبيقدان يوموشاق، داشـداندا بركـم،

قيلينجلا دوغـرانيب، گوللـه‌نميـشم،

ستـارخان، جـاويـدان، بويوك بابكـم.

هاراي، هاراي  ائللر تورك اوغلو توركـم.

آلوولار يـــوردودور مـنيم مـسكــنيم،

اودلار اولكـه‌سـي ديـر منيم  وطنيـم،

آذربــــايـجـان‌دير قـانــلي كفنيــم،

نه ديـر آغيرليغيم كيمه… مـن يوكـم؟

هاراي، هاراي  ائللر تورك اوغلو توركـم.

تاريخلر شـاهيدير بـو  تـورك آديمـا،

كيمـسه دار گـونومده چـاتماز داديما،

مـــن فخـر ايـلـه‌يـرم اؤز اولاديـمـا،

ياراشـمـاز يــادلارين مـينّتين چـكـم،

هاراي، هاراي  ائللر تورك اوغلو توركـم.

هر ميللت عزيزدير، عزيزدير اينسان،

اينـسانـين شأنينه، آديـنـا قـربــان،

منده بير اينسانام سن كيمي اينسان،

دئـميـره‌م مله‌گـم دونيـاده تكــم،

هاراي، هاراي  ائللر تورك اوغلو توركـم.

آسيـا ، اوروپـا تورپـاغـيندايـــام،

دريالار، داغلارين قوجـاغيندايــام،

حـريت، آزادليـق سـوراغيندايــام،

هاراي مسلمان ائل، مسلمان اؤلكم،

هاراي، هاراي  ائللر تورك اوغلو توركـم.

او دميــر قـاپـيـي‌دان زنــگانـا قـده‌ر،

همــدانــدان تــوتــوب تـهرانـا قـده‌ر،

آذربــايجـان‌ديـر بـيــزيـم بــو يئــرلر،

تـورك ديـلي دانيشير اوشـاقيم ، يئكـم،

هاراي، هاراي  ائللر تورك اوغلو توركـم.

حـاقيـم اوچون قانيـما مـن بلـنمـيشم،

آرازام خـــــزرده لــپــه لنــمـــيشم،

بـوتـون ايـران بـويـدا سـپـه لنمـيشم،

اؤزومــه يئــر اكــم سنــه ائـو تيكــم،

هاراي، هاراي  ائللر تورك اوغلو توركـم.

منيـم اؤز يـوردوم وار منـيم اؤز ائليـم،

شيــرينـدير اؤزومـه منيـم اؤز ديليـم،

هم گوللـه ديليم وار همده سؤز ديليـم،

ايستـه‌سـم قورارام ايسته‌سـم سوكـم،

هاراي، هاراي  ائللر تورك اوغلو توركـم.

ائشيدسين سه‌سيمي شووونيزم فــارس،

داشناقلار بيلسين كـي بئله ده قالمـاز،

تـورپاغيم گوهـردير ديليم بير آلمـاس،

حاق اوسته حاضيرام جاندان ال چكـم،

هاراي، هاراي  ائللر تورك اوغلو توركـم.

خردادين بيرينده جوشوب قايناديــق،

تـورك آدين دونيايا اعلام ائيله‌ديــق،

تبـريـزين نـامينـه قيــام ائيله ديــق،

حاضيرام بير قانا مين بيـر قـان توكـم،

سس وئرين دوشمنلر سانماسين تكـم،

هاراي، هاراي  ائللر تورك اوغلو توركم

                                      چكجم

بيرايلي بوراندا قاردا چكجم

بيرايلي بهاردا واردا چكجم

بير شكيل چكجم گوز گله سينه

آرزولار دوزله سلسله سينه

بيرباهار سالاجام قيش چله سينه

بير لالا خونچاسين قاردا چكجم

بير داغي چكجم دومان ايچينده

بير دوغري بيتيرم گومان ايچينده

بير داغي چكجم دومان ايچينده

بير حقي دوغرلدان گومان ايچينده

بير درين باخش كي جومان ايچينده

شاختادا بير آغاج باردا چكجم

بيرسئلي چكجم سارا قوينندا

بير ايلي ياردمسز يارا قوينندا

بيردلي آسلي چارا قوينندا

بيردلي ديلچكسز داردا چكجم

تيكلي بير آغز چكجم قوما

بير درين باخش كي فكيره جوما

يوليام شكيلي تهرانا قوما

بيرايلين يوخلقون واردا چكجم

ايليمين يوخلون واردا چكجم

بيرايشق چكجم اوزاقدان آتپ

بيردنيز چكجم دنيزه باتپ

بير ايلي چكجم مين ايلدي ياتپ

وارليقين بيلمرم هاردا چكجم

نينيم ديلسز بير باش چكمرم

بابا سينه مده اورك وار داش چكمرم

ايليمين گوزنده ياش چكمرم

بوايلين ماهنسن تاردا چكجم

ايليمي باهاردا واردا چكجم

                                             هوشنگ جعفري

گون آذ پورت: همان گونه كه ملت قهرمان آذربايجان استحضار دارند، تجمعات مدني در شهرهاي آذربايجان كه خواستار اتخاذ تدابير جدي و عاجل براي پيشگيري از فاجعه زيست محيطي - انساني درياچه اورميه كه دست پخت سو مديريت تعمدي مسئولين بي كفايت است از پنجم شهريور آغاز شده

و چندين هفته ادامه داشت، گواه آشكار و بي ترديدي بر اين واقعيت است كه ملت ترك آذربايجان با رسيدن به شعور و عزم ملي مثال زدني نسبت به منافع ملي و ميهني خود حساسيت تمام داشته و در صورت لزوم از هيچ اقدامي فرو گذار نخواهد كرد.

آذربايجان مارشي

آذربايجان سن سن منيم

آذربايجان آذربايجان

ياشا ياشا آذربايجان

نفسيميز بابك لرين

بابالارين آياق سسي

آذربايجان آذربايجان

ياشا ياشا آذربايجان
 

بيز تاريخا سيغينماديق

گله جه يي آدديملاريق

آذربايجان آذربايجان

ياشا ياشا آذربايجان
 

آذربايجان درد ايچينده بوغولموش